Frå Centralforening til DFS

Mange kjenner historia om brytningstida i Noreg frå 1850 og utover. Det vil si strida mellom dei som fortsatt ville ha union med Sverige og dei som ville ut av unionen. Kort fortalt strida mellom Høgre og Venstre. Her skal vi ta for oss noko av det som skjedde i Buskerud og fram til at Numedal vart eige samlag i 1913.

Unionsstrid, flaggstrid og er kjent norgeshistorie. Men det finst lokale historier som kanskje viser ukjente element i den pågåande strida. Det var strid innan dei ulike leirane og. I Venstre var det slett ikkje berre idyll. Ei nokså ukjent historie er den til offiseren og stortingsmannen Nils J. Gregersen, sonen til Børsemakaren Niels Gregersen som kom frå Uvdal i Numedal. Børsemakar Gregersen er mannen bak kammerladningsgeværet for øvrig. Nils J. var royalist og ville ikkje følgje Johan Sverdrup som ville ha republikk. I eit komitemøte på Stortinget utspandt dette seg, og Gregersen skriv flg: Paa dette trin af samværet reiste saa Johan Sverdrup sig, støttet hendene på bordplaten og sa; «Naar regjeringen behandler os saaledes maa vi arbeide paa republikkens indførelse i landet». Han la særlig vegt paa os. Jeg reiste mig og saa paa ham med et udtryk som han ganske vist ikke misforstod, reiste mig, tog min hat og forlod værelset, uten at ytre et ord….

Neste dag ble Gregersen indkalt til Sverdrups kontor på Stortinget, hvor denne dialogen utspant seg: «Skal jeg forstaa Deres bortgang igaar saaledes, hr kaptein Gregersen, at de vil svigte mig?» «Jeg har svoret konstituitionen og kongen troskab, og slet ikke Dem hr. Sverdrup! Svar De nu paa mit spørsmaal: Hvorledes kan De, stortingets president, forsvare at foreslaa os at arbeide for republikens indførelse, De som selv har svoret konsitiuitionen troskab?”

”Vaas! Konstitutionen – hvad er den? Et stykke papir! Men De skal vite hr. Kaptein, at forlader De mig, skal jeg sætte alt ind paa at hindre Deres gjenvalg til Stortinget.»

Her ser vi at Venstre også hadde interne stridigheter, men så langt interne stridgheter i Venstre.

Buskerud folkebevepningslag

Buskerudskyttarane hadde sjølvsagt vore med i Centralforeninga, men utbrytartanken voks stadig. Da det nerma seg stiftingmøtet av Buskerud folkebevæbningslag var desse lag representerte: Eker, Øvre Sandsvær, Drammen, Eftelød og Komnæs, Rollag, Stjernen Lier og Hildur i Hurum, Hæhre, Røyken og Eggedal. Lesaren får ha meg tilgit at eg brukar historiar frå Rollag. Det er Rollag si historie eg kjenner best, men samstundes er dei små glimta derifrå med på å steja lys på det som skjedde og rørte seg i denne tida. Levor Fløtterud frå Rollag var med på stiftinga til Buskerud folkebevæbningslag, og på årsmøtet 28. januar 1882 vart han vald inn i styret. Det var berre venstrefolk dette og dei møtte ganske snart sterk motstand. Det nye laget hadde nytt møte i mai 1882 der dei vedtok å halde fylkestemne på Ekerbanen. Dei vedtok samstundes å leige Ødegårdsalen i Hokksund som festlokale i forbindelse med fylkesstemnet. Dei søkte også om ølrett, slik at dei kunne ha ein fest etter skytinga. Men slik skulle det ikkje gå. Her var lobbyistar og overløparar i fleng. Eker skytterlag som sjølv var med i Folkebevæbninga nekta merkeleg nok fylkeslaget å låne banen, og begrunna det med at dei skulle ha lagsskyting sjølve. Som om ikkje det var nok hadde partiet Høgre leigd Ødegaardsalen for heile sommaren, så den fekk Folkebevepninga ikkje bruke.

I Rollag gjekk skyttarane over til folkebevepningslag i 1882. Laget hadde vore i Centralforeninga frå 1979. Men med læraren Nils P. Krogsbøl frå Enebakk i spissen, vart det altså eit nytt lag i 1882.

Men alt under 17. maifeiringa i 1880 stilte laget med «det rene norske flag» under protest frå  dei frammøtte som ropa ut at dette flagget var det forbudt å bruke. I avisa Verdens Gang frå 15.juli 1880 står dette om 17. maifeiringa i Rollag same år:

«Det er sant vi havde nær glemt 17de mai, den blev ogsaa afholdt her iaar mere høitidlegt end ellers; thi Rollag Skytterlag der blev stiftet i forrige Aar lod nu sin nye Fane, et rent norskt Flag indvie. Skytterlagets formand forklarede flagets betydning for de tilstedeværede, i det han gjennemgik Historien fra Magnus Barfods Mærke og alle Landsmærkene som Norge har havt indtil 1814. Likeledes forklarede han Dagens Betydning. Det skulde dog imidlertid ei hengaa uden en liden Flagstrid her ogsaa idet en herre mente, at det var ulovlig at bruge rent Flag; Han blev paa stedet betydet af Formanden, at han sagde usandt, noget han imidlertid ikke magtet at gjendrive, og hvorvidt denne Mand magter at bevise sin tomme Paastand vil Fremtiden vise”

 Pionerar

Levor Andreson Fløtterud 1844-1915 Levor vart ein av pionerane i Folkebevæpningsrørsla i Buskerud. Han var bonde på Fløtterud i Rollag. Ved sida av dette var han ljåsmed og hjulmaker og politikar. Levor sat også i kommunestyret for Rollag. Men så var han også skyttarlagsmann. Ved sida av styrevervet i Buskerud Folkebevæbningslag er han også ein av dei tidlege formenn i Rollag skyttarlag etter at Centralforeningslaget frå 1879 vart eit folkebevepningslag i 1882.

Eker tok initiativ

Frå ei jubileumsberetning for Numedal skyttersamlag finn ein dette: «Eker skytterlag tok opptakten til Buskerud amts folkebevæbningslag. Møtet der dette ble drøftet gikk for seg i Hokksund 29. desember 1881. Disse lagene hadde utsendinger. Eker, Øvre Sandsvær, Drammen, Efterlød&Komnes, Rollag og Eggedal. Utsendingene fra Røyken og Eggedal var mot, men Røyken kom likevel med i første virkeåret.

G.O. Hotvedt fra Øvre Sandsvær var formann i det midlertidige styret, men nådde ikke lenger opp enn til andre varamann i det endelige styret som ble valgt 28, jan. 1882. Grunnen var tvetydig: Det står at han var «for meget eller for lidet venstrepolitiker».

Men Fylkeslaget ga seg ikkje og hadde nye møte og fekk etter kvart fleire lag med. Levor Fløtterud ville ut av styret etter eit år, men dei andre fekk overtala han til å fortsetja. Det fortel vel ein del om Levor skulle ein tru, at dei andre ville så gjerne ha han med vidare i styret. Det at Eker som var eit Folkebevæbningslag nekta Fylkeslaget å låne banen fortel om kor vanskeleg det var denne tida, det var så sterke krefter som stod mot kvarandre at dei torde ikkje sleppe folkebevæbninga inn på banen. Midt oppe i alt dette stod altså Levor Fløtterud. Tenkje seg til, det kunne ikkje vera lett heller å sitja i styret som hadde møtene sine på Eiker både vinter og sumar. Vi må tru Fløtteruden soleis var ivrig både som venstremann og skyttarlagsmann.

Buskerud folkebevepningslag vart altså til i 1883. Ikkje akkurat «kortreist» for her var lag frå øvst i Uvdal med og ellers alle laga ned langs Lågen til Hvittingfoss.

Utdrag frå det tidlegare nemnde jubileumsheftet: «Det første Buskerudmesterskapet ser ut til å være holdt på Foss i Lier 2. og 3. des 1882. På denne amtskytterfesten ble Alfred Eriksen, Kongsberg beste skytter på 250 alens hold. Nye lag som var kommet til var, «Norden», Vestfossen, «Løven» på Kongsberg og «Blinken» i Sandsvær.

I 1883 er det også skytterlag i Nore, Fiskum og Flesberg med i samlaget, og dei har som vi ser bygdenavnet som lagsnavn. I 1886 kom Jondalen med og året etter Øvre Nore og Øvre Sandsvær (hadde ikke vært i drift på 3 år, men kom med nå).

Hans N. Kolkind, Fiskum er samlagets beste skytter, og Fiskum har beste gjennomsnitt på alle hold. I 1889 meldte Nore seg ut og ble oppløst på grunn av en religiøs vekkelse.

I 1893 ble Buskerud Skyttersamlag til som resultat av sammenslutningen mellom Folkebevæbningslaget og Centralforeningen. De nåværende samlagene Drammen, Numedal, Ringerike og Hallingdal var med i det nye fylkessamlaget fra 1893 til 1906. Da ble det delt i Drammen og Hallingdal skyttersamlag. Fra 1993 mønstret det nye samlaget 35 lag og 890 skyttere.

Den første formannen i Buskerud Skyttersamlag var børsemaker H. A. Jacobsen, Drammen fram til 1895.

Buskerud Skyttersamlag blei delt i 1906 da Drammen og Hallingdal ble nye samlag. Til Drammen hørte nå 30 lag fram til 1913, da ble Numedal eget samlag.

Numedal skyttersamlag

Den 8. mars 1913 ble det holdt møte på Kongsberg der Numedal ble en sjølstendig enhet med G.O. Tveit, Kongsberg som første formann.

Det virka til å vera en oppkvikker for laga langs Lågen, ja for laga i Øvre Eiker også. Det vart ganske snart bygd skyttarhus knytta til kvart lag, og desse skyttarhusa var som ungdomshus å rekne, her vart det halde dans. Her ser du at spelemannen måtte opp stega for å finne sin plass! Skyttarhuset i Lyngdal

Landsskytterstevne i forbudt område i 1918

Fem år etter stiftinga av Numedal som eget samlag ble det holdt landsskytterstevne på Kongsberg.

Stevnet var det nest største landsskytterstevne til da med 1150 deltakere. Verdenskrigen raste og hele Kongsberg var forbudt område. De militære myndigheter var redde for at det blant de 1100 deltakerne kunne være spioner i byen med våpenfabrikk. Det ble ordnet med et deltakermerke til alle deltakerne som skulle bæres under stevnet. Et slags adgangstegn.

Landskytterstevnet 1938

Den 22 år gamle Kåre Enerud ble konge og Numedal vann samlagskytinga, med dette laget. Chr. Heia, Bjarne Sjulsen og Krf Flesaker.

Til dette stevnet skreiv M. B. Landstad ein prolog.

«Ja, nu er den kommet den krevende stund
med Landskytterstevne på bergstadens grunn. Vårt øye har sett disse festlige skarer
av prektige riflemenn, skuddsikre karer.

De møtes fra hele vår langstrakte kyst
fra høyfjell og dal til en spenningens dyst.

Og alt er en eneste viljesterk iver
med stålløp i anlegg mot målfaste skiver.

Det er som en knitrende sommersalutt
en kampsvanger hilsen av kuler og krutt.

Her er det en høyboren tanke får feste;
Å være den ypperste, nævnes den beste!

en konge skal kåres med sølv i vår by
så landet gir gjenglød av skytternes ry.

Det skarpeste sikte, det støeste avtrekk
må til, hvis det ikke skal volde ham avbrekk

Prologen var lang, men her er litt til:

Der gjemmes en drøm i de fylte patroner
Om blinken, som skytterens ferdighet kroner.

Å hente den inn med det eneste skudd,
I sol eller vind eller regnvær og sludd,

Det er hva det gjelder for vert og for gjester,
-og kan du det skytter, da er du en mester.

Tiår for tiår i Numedal skyttarsamlag etter 1913

Fyrste formann var G.O. Tveit Kongsberg. Han leida samlaget til etter landsskytterstevnet i 1918. Da overtok P. Støen også frå Kongsberg. Landsstemnet var eit samarbeidsprosjekt som no. Kongsberg var arrangør, men med støtte fråd ei andre laga i Numedal.

I 1913 vart det skrivi årsmelding frå 15 lag. Dagali kom med som nytt lag det året. Det er verd å merke seg at Skurdalen og Dagali høyrde til Nore kommune og dermed også Numedal skyttersamlag.

I 1914 hadde Flesberg flest medlemar og Rollag gjekk fra frå 35 til 59 medlemar. Samla sett gjekk samlaget fram med 63 aktive og 11789 skot. I 1915 hadde samlaget 609 medlemar og det vart skote 53665 skot.

1920 talet

Medlemsmassa auka stort i starten på 1920 talet. Truleg ein effekt av landstevnet i 1918. For i 1921 var antal skyttar oppe i 728 og skottalet var 86215. Etter det gjekk talet på skyttarar kraftig ned og årsmeldingane tilskriv dei økonomiske tilhøva skulda. I 1929 var talet skyttarar nede i 454 og skottalet var halvert frå 1921.

I 50 årsskriftet for samlaget står dette: «Det var en uhyre vanskelig økonomi ikke bare rundt om i laga, men også innen samlaget i åra før og etter 1930. Mange lag greidde ikke å betale for ammunisjon som samlaget skaffet og på den måten kom etter hvert Numedal skyttersamlag i nokså stor gjeld. Et par av styremedlemmene kausjonerte privat samtidig som det ble satt i gang et lotteri.» Det redda økonomien.

1930 talet

Utover 30 talet auka antalet skyttarar noko. I 1933 står dette i årsmeldinga. «Lyngdal har åtte damer som har skutt sine 30 skudd, men disse kan ikke medtas i årsberetningen da det for dem ikke ydes statsbidrag»!

Mot slutten av 30 talet auka antalet skyttarar. I 1938 var det i samlaget 684 skyttarar som skaut 98878 skot. Det kom same året inn årsmelding frå 13 lag. Rollag var det driftigaste laget med 121 aktive.

I 1938 hadde Kongsberg landskyttarstemnet for andre gong. Kåre Enerud vart konge, Numedal vann samlagsskytinga og lokale skyttarar kunne hente mange flotte premiar.

Den 8. april 1940 stoppa alt skyttarlagsarbeid opp. Men etter krigen vart aktiviteten større enn nokon gong.

Formannen i Rollag skytterlag skreiv dette i lagsprotokollen i 1945:

Aar 1945

I fem år har det vært stille i skytterlaget. Det har på denne tid ikke vært noen virksomhet og det styret som ble valgt i 1940 er blitt stående….

Rollag er vel et av de få lag i samlaget som kan stille i lagskyting med de samme skytterne som de hadde før krigen. Det var bare 3-4 av lagets medlemmer som har vært i N.S, men da disse bare var av første og andre klasse blir det ikke noe tap for laget.

Kittil N. Tråen

Ny giv

Så ser ein at etter krigen auka interessa voldsomt. Alt i 1945 auka talet skyttarar til 1036 og antal skot til 112.930. Det at Bjarne Sjulsen frå Kongsberg vart skyttarkonge i 1946 hjalp på interessa i tillegg til at forsvarsvilja var stor.

Det at Trygve Skarra frå Fiskum vart prins i 1949 gjorde også sitt til at interessa voks.

I 1957 kunne samlaget bokføre 1355 skyttarar og 160.472 skot. (Skottalet var likevel høgast i 1954 med 176.707)

Ellers tok nye skyttarar til å vise seg fram på 1950 talet. Helge Flesaker frå Fiskum dominerte skytingar i samlaget idet han vart samlagsmester heile 8 gonger.

Frå Nore skytterlag sto den nokså anonyme Oddvar Teigen fram med medalje og sju stjerner på Landsskyttarstemnet. Han var med like til utpå 1970 talet. Frå Uvdal kom Svein Løvstuen som vart «småkonge» dvs. Vikenmester midt på femtitalet.

Oddgard Flatin frå Eggedal kom til Kongsberg og starta ei gedigen karriere alt før 1950. Flatin har ei enorm samling med mesterskapsmedaljer, over 980 i alt.

Eit  6-kantlag frå 1960 talet

Landsskytterstevnet Kongsberg/Fiskun 1959

Hovedkomiteen i 1959

Frå 1961 av vart skiskytinga organisert gjennom DFS. Og i 1965 vart VM arrangert på Elverum. Olav Jordet vart verdensmester. Men det vi numedølar hugsar best var den legendariske sisteetappa i stafetten der Ragnar Tveiten frå Veggli reiste frå konkurrentane og tok Norge inn til stafettseier.

Mot slutten av 1960 talet kom brørne Kåre og Kjell Hovda frå Rødberg for alvor med. Og saman med Ragnar Tveiten vann Hovdabrørne NM stafetten sju gonger. Fjerdemann på laget kunne variere mellom Fiskumkarane Anders Besseberg, Kjell Flesaker og Odd Lunde. På syttitalet stilte Numedal med to lag i NM stafetten, så populær var skiskytinga.

Stafettar

1967    Numedal
Kjell Hovda
Kåre Hovda
Odd Lunde
Ragnar Tveiten

1970          Numedal
Kåre Hovda
Odd Lunde
Ragnar Tveiten
Kjell Hovda

1971         Numedal
Ola Lunde^[1]
Kåre Hovda
Kjell Hovda
Ragnar Tveiten

1973    Numedal
Anders Besseberg
Kåre Hovda
Kjell Hovda
Ragnar Tveiten

1974          Numedal I
Kjell Flesaker
Kåre Hovda
Kjell Hovda
Ragnar Tveiten

1975    Numedal
Sigleif Johansen
Kjell Flesaker
Ragnar Tveiten
Kjell Hovda

1976     Numedal
Kjell Flesaker
Odd Lunde
Kjell Hovda
Sigleif Johansen

Vidare så forsynte utøvarane seg grovt av kongepokalene både i vanleg skiskyting og i skifeltskting. Alle desse er stilt ut på Bergverksmuseet på kirketovet Kongsberg.

Kongepokalar skifeltskyting
1 Ragnar Tveiten                         1970
2 Ragnar Tveiten                         1971
3 Ragnar Tveiten                          1973
4 Ragnar Tveiten                         1974
5 Kåre Hovda                               1975
6 Kjell Hovda                                1976
7 Kjell Hovda                                1980
8 Kjell Hovda                                1983
9 Kjell Hovda                                1987

Kongepokalar i skiskyting

1 Ragnar Tveiten                         1965
2 Kjell Hovda                                1970
3 Kjell Hovda                                1971
4 Ragnar Tveiten                         1973
5 Kjell Hovda                                1975
6 Mona Bollerud                          1989

Interessant er det at den fyrste skiskyttarsprinten vart arrangert i Numedal. Rollag og Veggli skyttarlag arrangerte skiskyttarrenn i romjula kvart år. Men i 1973 kom ein på at ein ville prøve sprint, med skyting på ballongar. Det skjedde nok ikkje utan eit viss press utanfrå fordi det internasjonale skiskyttarforbund hadde planar om ein ny øvelse, nemleg sprint. Dette var så nytt at sentrale myndighetspersonar innan skiskytinga ga Rollag og Veggli nærast ei oppgave om å prøve den nye øvinga.

Det vart ein suksess alt frå starten.

Øvre og nedre krets

På 1930 tallet vart Numedal skyttersamlag delt i to kretsar. Øvre krets med laga i Nore og Uvdal, Rollag og Veggli. Lyngdal, Laugen/Svene og Flesberg. Jondalen.

Nedre krets besto av Kongsberg, Fiskum, Eker og alle laga i Sandsvær.

Kretsane hadde sine årlege mesterskap både på bane og i felt. Arrangementet gjekk på omgang laga mellom. Kretsstevnene var eit godt stevnetilbud til skyttarane innan kretsen, korte reiser og alle kjente alle. Øvre krets greidde å halde på sitt mesterskap til ut på 1990 tallet. Da hadde stevnetilbuda og mulighetane for alle blitt så store at kretsstevnet vart lite attraktivt.

Samlagskonkurransar

Numedal hadde pokalkonkurranse mot Vestfold kvart år i ei årrekkje. Kvar samlag stilte med 20 skyttarar. Programmet var kvartmatch -10 skot i kvar stilling.

«Den 6-kantede samlagskonkurranse»

6-kant tevlinga starta opp omlag 1920 og blei skrivi som «den 6-kantede samlagsskytingen» i avisene

Kvartmatch også her.

Viken 1

Landsdelskretsstevnet er av dei store og mest prestisjefylte konkurransane. Ved sida av individuell konkurranse er det også samlagsskyting på Viken stevnet. Fire skyttarar på kvart lag skyt grunnlag på fire minutter.

Prosjekt 89

Numedal vann samlagsskytinga på LS i 1938. Ellers var det dårleg med suksess for Numedal. Det til tross for at Numedal hadde solide skyttarar i toppskiktet.

Utover åttitalet var det nokon som ville at samlaget skulle satse stort og etter mønster frå Olympiatoppens Prosjekt 88 kom det forslag om ei eliteprsosjekt i Numedal skyttarsamlag – prosjekt 89. Seinare fylgd opp av prosjekt 2000. Dette var ei elitesamling med utplukka deltakarar. Det gjorde noko med resultata etter kvart.

Toppen i Numedal skyttarsamlag har alltid vore god, men etter denne elitesamlinga fekk samlaget større breidde på høgt nivå.

Med dette kom ein ny giv inn i Numedal skyttersamlag.

Og i 2003 i Oppdal skulle dei lykkast med dette laget:

Trond Bergan, Ann Kristin Årskog, Knut Bråten og Liv Åsne Kongsjorden.

Da Liv Åsne vart tatt ut som ankerkvinne på laget sa ho: «Det er greitt, men da skal de gi meg skive 1» Det fekk ho og gjennomførte med glans.

Også veteranane fekk oppsving etter at Åse Moa organiserte samlinga og treningar for veteranar i heile samlaget. Her vann dei samlagsskytinga på LS på Lesja i 2015.

Hans Erik Rua, John Melvin Tveiten, Arne Mathisen og Asbjørn Mathisen.

Kuriosa

Vi har vist historia til dei seks arrangørlaga under LS 2025. Det er følgeleg nokre lag som ikkje får si historie belyst.

Vi skal difor løfte fram nokre skyttarar frå Uvdal og Nore skytterlag som ikkje kjem med andre stader.

Men fyrst dette. Rødberg hadde eget skyttarlag nokre år i anleggstida. Det var Braaflot skytterlag, kalla so etter namnet på ein gard der anlegget vart bygd. Kongepokalvinnaer frå 1928, Kristian Hagen skaut for Braaflot skytterlag før 1925. I 1925 gjekk Braaflot inn i Nore sk. Lag.

Uvdal skytterlag hadde ein skyttar sin fortener å bli lyfta fram. Nemleg Svein Løvstuen (1920-1992) Han fekk medalje på LS i 1949 og vart Småkonge i Viken I med liten kongepokal i 1952. Vi må også nemne Thorstein Revå som var fast på 6-kantlaget til Numedal i ei årrekkje. Han meldte seg inn i Rollag sk.lag tidleg på 1960 talet.

Så til Nore skytterlag. Der er det to skyttarar som må framhevast. Den eldste er Kristian Hagen som kom frå Toten til Rødberg under anlegget i 1920 åra.

Han vart nummer to på LS i 1928. For det fekk han kongepokalen avdi vinnaren og skyttarkongen Karl Hagen frå Sande hadde kongepokalen frå før og den gongen kunne ein vinne dette trofeet berre ein gong. Dermed vart Karl Hagen konge medan Kristian Hagen fekk kongepokalen. Kristian var født på Østre Toten 27.08.1882. Foreldra var Marte Kristiansdatter og Lars Hansen Hveemhagen – seinare forkorta til Hagen.

I leitinga etter Kristian Hagen kom vi over ein del skyteresultat før og etter 1910. Da skaut Kr. Hagen for Østre Toten, og for Viken skytterlag. Det er grunn til å tru at det er same mannen som fekk kongepokalen i 1928.

Men det interessante er at dobbeltkongen Karl Hagen har begge sine foreldre frå Uvdal. Peder Knudsen Rennehvammenhagen (forkorta til Hagen) f 1855 og Thora Vilhelmsdotter Sønstebø f 1859. Dei flutte til Sande og dreiv garden Jonrud. Dermed var både nummer ein og to det året egentleg  frå Nore og Uvdal!

Ein annan Noreskyttar må nemnast, nemleg Oddvar Teigen f 1924 Faren Ole var født i Amerika i 1898. Bestefaren Martin var frå Gulliksrud på Fiskum. Han og kona (ukj) reiste til Amerika der ho døydde. Martin reiste som enkemann i 1903 heim til Fiskum, kjøpte garden Øvre Teigen og slo seg ned der med fire born. Den yngste av dei Ole kom til Noreanlegget ca 1920. Der trefte han Ingebjørg Bergseidjordet frå Uvdal og gifte seg med henne. Buande på Rødberg fekk dei sonen Oddvar.

Oddvar Teigen starta med skyting på slutten av 1950 talet. Han skaut soleis i 3. klasse da han vart nummer 9 på LS Kongsberg/Fiskum i 1959. Han fekk medalje og sju stjerner på LS i åra etter.

I samlagsmesterskapet 1962 arrangert av Rollag skyttarlag vart Oddvar Teigen frå Nore samlagsmester, Nr 2.  Magnar Grinde, Nore, Nr 3.  Svein Løvstuen, Uvdal.   Oddgard Flatin Nr 4.

I Harald Tveiten si tid som samlagsformann fikk han til ei samling med eldre skyttarar. Samlagets sine pokalar vart utstilt på Laagdalsmuseet og under opninga vart dette bildet tatt.

Frå v. Ann Krsitin Årskog, Harald Tveiten, Liv Margrethe Sørensen, Thorstein Revå, Helge Flesaker og Rolf Kirsch. Foto: Laagendalsposten

Til slutt skal seiast at mange har forventningar til Numedalskyttarane under årets LS på Kongsberg.